VIDEO: MWINJILISTI KUTOKA MAREKANI AWASHA MOTO JIJINI MWANZA

Mamia ya wananchi wanazidi kujitokeza kwa wingi kwenye mkutano mkubwa wa injili ulioandaliwa na kanisa la kimataifa la EAGT Lumala Mpya kwenye uwanja wa Sabasaba Ilemela Jijini Mwanza. Mhubiri ni  mwinjilist Rojas Matias kutoka Marekani huku mchungaji mwenyeji akiwa ni Dkt.Daniel Moses Kulola.

MAMIA WAZIDI KUFUNGULIWA KWENYE MKUTANO WA INJILI EAGT LUMALA MPYA

Wakazi wa Jiji la Mwanza wakiwemo waumini wa dini mbalimbali wameendelea kujitokeza kwa wingi kwenye mkutano mkubwa wa injili ulioandaliwa na kanisa la kanisa EAGT Lumala Mpya chini ya Mchungaji Dkt.Daniel Moses Kukola.

Jana mamia ya wananchi walijitokeza kwenye mkutano huo unaofanyika kwenye uwanja wa Sabasaba Ilemela Jijini Mwanza na kukutana na mlipuko mkubwa wa injili kutoka kwa watumishi wa Mungu akiwemo mwinjilisti Rojas Matias kutoka Marekani chini ya huduma ya MORE International Ministry.

Aidha waimbaji Ambwene Mwasongwe, Mbilikimo Watatu, Samwel Lusekelo, Joseph Rwiza, Sam D, Havillah Gospel Singers na wengine wengi wameendelea kukonga nyoyo za wahudhuriaji kwenye mkutano huo.

“Maandalizi ya mkutano huu ni ya kuvutia, tuna majukwaa matatu makubwa, vyombo vya muziki wa injili vizuri na pia tunatoa zawadi mbalimbali ikiwemo vyakula na nguo kwa wanaohudhuria mkutano huu”. Alisema Mchungaji Dkt.Kulola na kuwahimiza watu wote kufika kwenye mkutano huo ili wakutane na nguvu ya Mungu na kufunguliwa.

Mkutano huo ulianza juzi jumatano Septemba 27 na utafikia tamati jumapili Oktoba Mosi, 2017 katika Uwanja wa Sabasaba Ilemela Jijini Mwanza ambapo mamia ya wananchi waliokuwa wakiteswa na majini pamoja na magonjwa mbalimbali wanazidi kufunguliwa, na leo huduma ya maombezi inaanza mapema majira ya saa nne asubuhi na mkutano utaanza saa tisa alasiri hadi saa 12 jioni.

Mwinjilisti Rojas Matias kutoka Marekani akihubiri kwenye mkutano huo

Kushoto ni Mwinjilisti Rojas Matias kutoka Marekani akihubiri kwenye mkutano huo. Kulia ni mkarimani Max Kemy kutoka kanisa la EAGT Lumala Mpya

Jana wananchi walijitokeza kwa wingi kwenye maombezi katika mkutano huo

Watumishi mbalimbali wakiendelea kutoa huduma ya maombezi jana ambapo zaidi ya 20 walifunguliwa mapepo huku wengine wengi wakiponywa magonjwa mbalimbali

Mchungaji wa kanisa la kimataifa EAG Lumala Mpya, Dkt.Daniel Moses Kulola akiomba kwenye mkutano huo

Mwimbaji wa muziki wa injili Ambwene Mwasongwe kutoka Dar es salaam akihudumu kwenye mkutano ho

Wanafahamika kwa jina maarufu Mbilikimo kutoka Arusha wakihudumu kwenye mkutano huo

Lusekelo Samwel akihudumu kwenye mkutano huo

Joseph Rwiza akihudumu kwenye mkutano huo

Watumishi wa Mungu kutoka Marekani

Mwinjilisti Rojas Matias (katikati) kutoka Marekani akiwa na timu yake

Watumishi wa Mungu kutoka Marekani

Mchungaji Mercy Kulola (kushoto) akiteta jambo na Mama Kulola (kulia)

Mchungaji Dkt.Daniel Moses Kulola (kulia) akiteta jambo na mwimbaji Ambwene Mwasongwe (kushoto)

Watumishi wa Mungu wakifuatilia mkutano

Mchungaji Dkt.Daniel Moses Kulola (wa kwanza kulia) pamoja na wageni kutoka Marekani

Baada ya ibada, kanisa la EAGT Lumala Mpya kwa kushirikiana na wachungaji kutoka Marekani lilitoa zawadi kwa wananchi

BMG Habari, Pamoja Daima!

KARIBU KWENYE MKUTANO MKUBWA WA INJILI JIJINI MWANZA

Kanisa la kimataifa la EAGT Lumala Mpya lililopo nyuma ya Soko Kuu la Sabasaba Ilemela Jijini Mwanza, linawakawaribisha watu wote kwenye mkutano mkubwa wa injili utakaofanyika kwenye uwanja wa Sabasaba Ilemela.

Mchungaji Kiongozi Dkt.Daniel Moses Kulola pamoja na Mwinjilisti Roggers Mathias kutoka Marekani watahudumu kwenye mkutano huo huku waimbaji mbalimbali kama vile Havillah Gospel Singers, Ambwene Mwasongwe na Sam D wakitumbuiza pia.